Maxkamadda magaalladda Minneapolis ee dalka Maraykanka waxaa shalay la soo taagay Dhallinyaro Somali-Maraykan oo ka mid ahaa 9 Eedeysane oo maalmahan la xukumayey.
Eedeysanaha Koowaad, Hanad Mustafe Muuse oo 21 jir ah ayaa shalay lagu xukumay xabsi 10-sanno ah, kadib, markii uu qirtay inuu ku biiri lahaa kooxda Daacish.
La-eedeysanaha 2-aad oo lagu magacaabo Xamza Axmed ayaa lagu xukumay xabsi 15-sanno ah.
Labada Eedeysane waxaa la qabtay bishii November ee sanadki i2014-kii, xilligaasi oo ay doonayeen inay u socdaan dalka Giriigga, oo ay uga sii gudbi lahaayeen dalka Syria.
Eedeysanaha 3-aad ee Cadnaan Faarax, oo 20-jir ah, kaasi oo lagu xukumay xabsi 10-sanno ah.
Dhinaca kale, Maxkamadda magaalladda Minneapolis waxay maalintii Isniintii la soo dhaafay xukun ku riday 2 Somali-Maraykan qeyb ka ahaa 9-ka Eedeysane oo lagu soo oogay inay ku biiri lahaayeen Kooxda Daacis
Garsooraha Maxkamadda Minneapolis, Michael Davis waxa uu Eedeysane Abdullahi Maxamed Yuusuf oo 22 jir ah ku xukumay 23 bilood oo uu horey ugu soo qaatay Xabsiga.
Sidoo kale, Eedeysane Abdirizak Warsame oo 21-jir ah waxa lagu xukumay 2 sanno iyo bar, isagoo horey 2 sanno u soo dhamaystay Xabsi.
Eedeysane kale oo lagu magacaabo Zakariya Abdirahman oo 21 jir ah waxaa lagu xukumay 10-sanno, isagoo diiday inuu ku markhaati furo Saaxiibadiisa la eedeysnaa
Dhinaca kale,Maxkamadda Minneapolis waxaa la filayaa in maanta la soo taagi doonaa 4 Eedeysanayaal Somali-Maraykan qeyb ka ah Kooxda Dhallinyarada lagu eedeynayo inay ku biiri lahaayeen Kooxda Daacish.
3 ka mid ah Eedeysanayaasha  oo lagu kala magacaabo C.raxmaan Yaasiin Daa’uud, Maxamed C/xamiid Faarax iyo Guuleed Cali Cumar ayaa maanta la soo taagi doonaa Maxkamad, waxayna Dacwad-oogayaasha doonayaan in lagu kala xukumo Xabsi dheer oo gaaraya 30 ilaa 40 sanno.
©Radio Dalsan
