Taliska Nabadsugida iyo Sirdoonka Qaranka ee NISA ayaa sheegay inay gacanta kusoo dhigeen ku dhawaad 10 qof oo si yaabo kala duwan u la macaamilayay dagaalamayaasha Al-shabaab.
War Qoraal ah oo lagu daabacay bogga Twitter-ka Taliska NISA ayaa lagu shaaciyay in la qabtay 10 qof, kuwaasi lagu eedeeyay inay si yaabo kala duwan u la macaamileen Al-shabaab, in kastoo aysan faah faahin ka bixin goobaha dadkaas lagu qabtay.
Sidoo kale Taliska Nabadsugida iyo Sirdoonka Qaranka ee NISA ayaa caddeeyay in tallaabo waafaqsan sharciga dalka laga qaadayaa cid waliba oo u tagta ama u adeegta Al-shabaab, iyagoona Digniinta u diray dadka u Garsoorka doonta deegaanka Shabaab.
Waxaa la qab-qabtay ku dhawaad 10 qof oo si yaabo kala duwan u la macaamilayay Argagixisada. Hadda ka dib waxaa tallaabo waafaqsan sharciga dalka laga qaadayaa cid waliba oo u tagta, adeecda, u adeegta ama u fududeysa hawlaha ay ku dhibaateynayaan amniga iyo badqabka shacabka.
— NISA (@HSNQ_NISA) September 25, 2022
Arrintaan ayaa kusoo aadeysa, iyada oo sii hordhayaan howlgalada ka dhanka ah Al-shabaab ee ka socda Gobolada dalka, waxaana si gaar ah Gobolada Hirshabeelle iyo Galmudug uga dhacaya dagaalo u dhexeeya Ciidanka dowladda iyo Shabaabka.
