Madaxweynaha dowlad Goboleedka Koonfur Galbeed Soomaaliya Cabdicasiis Xasan Maxamed Lafta-gareen ayaa xalay magacaabay Wasiiro iyo Wasiir ku-xigeeno cusub oo kamid noqonaya Maamulkiisa, kadib wareegto kasoo baxday xafiiskiisa.
Madaxweyne Cabdicasiis Lafta-gareen ayaa Wasiirka Ganacsiga iyo Warshadaha u magacaabay Cabdullaahi Cabdi Maxamed, Wasiirka Awqaafta iyo arrimaha diinta Koonfur Galbeed ayaa loo magacaabay Cabdullaahi C/raxmaan Ibraahim Baardheere.
Wasiirka Wasaaradda Dekaddaha Maamulka ayaa waxaa laga dhigay Mukhtaar Maxamed Aadan, Wasiir ku-xigeenka Wasaaradda howlaha guud ee Koonfur Galbeed ayaa loo magacaabay Maxamed Carmo Maxamed.
Sidoo kale Madaxweyne Lafta-gareen ayaa Axmed Maxamed Aadan u magacaabay Wasiir ku-xigeenka Bay’ada iyo Duur-joogta iyo Muxyadiin Xaaji Caddow oo loo magacaabay Wasiir ku-xigeenka Boostada Isgaarsiinta iyo Tiknolojiyadda Koonfur Galbeed.
Madaxweynaha dowlad Goboleedka Koonfur Galbeed Soomaaliya Cabdicasiis Xasan Maxamed Lafta-gareen ayaa faray Wasiirada cusub ee uu magacaabay inay si dhaqsi ah xilka ugala wareegaan Wasiiradii xilalka laga qaaday.
Hoos ka Akhriso Wareegtada magacaabista
