Madaxweynaha dowlad Goboleedka Galmudug Axmed Cabdi Kaariye Qoorqoor iyo wafdi uu hoggaaminayay ayaa gaaray degmada Hobyo ee Gobolka Mudug.
Wafdiga Madaxweynaha ayaa ka koobnaa Xildhibaannada labada aqal ee Baarlamaanka Federaalka Soomaaliya lagana soo doorto Galmudug, mudanayaal ka tirsan labada gole ee Galmudug, ganacsato iyo siyaasiyiin iyo qaybaha kale ee bulshada.
Ujeedka safarka madaxweynaha iyo wafidigiisa ayaa ah dhammeystirka dadaallo muddooyinkii dambe uu waday hoggaanka sare ee Galmudug ee ku aaddanaa ballaarinta iyo dib u casriyeynta Dekadda Hobyo.
Galmudug ayaa marar badan sheegtay in dib u dhjis casri ah lagu sameenayo dekadda Hobyo, walina ma jiraan wax muuqda oo ka hirgalay ballanqaadkaasi oo marar badan sameeyeen madaxda maamulka Galmudug.
