Madaxweynaha Jamhuuriyadda Federaalka Soomaaliya Xasan Sheekh Maxamuud ayaa safar shaqo ugu amba-baxay dalka Ereteriya oo ay tababar gaar ah ku qaadanayaan qaar ka mid ah qeybaha kala duwan ee Ciidamada Qalabka Sida.
Safarka Madaxweynaha Jamhuuriyadda ayaa ku qotoma adkaynta xiriirka labada dal, Kor u qaadidda iskaashiga difaaca iyo amniga si loo ilaaliyo nabadda, xasilloonida iyo amniga Gobolka.
Madaxweyne Xasan Sheekh oo ka duulaya ahmiyada ay leedahay hirgalinta qorshaha muddo kooban dalka looga saarayo AS ayaa Madaxweynaha Dowlad Goboleedka Galmudug Axmed Abdi Kaariye u xil saaray dardargelinta iyo hagida halganka looga saarayo deegaannada Galmudug.
War Qoraal ah oo kasoo baxay Madaxtooyada Soomaaliya ayaa waxaa lagu sheegay in Madaxweynaha safarka kaddib, uu halkiisa ka sii waddi doono hoggaaminta dagaalka ka dhanka ah dagaalamayaasha Al-Shabaab.
Madaxweyne Xasan Sheekh Maxamuud ayaa inta uu ku yahay magaalada Asmara ee caasimadda dalka Ereteriya waxa uu kulan la yeelan doonaa dhiggiisa dalkaas
