Guddoomiyaha Golaha Shacabka Baarlamaanka Federaalka Soomaaliya Sheekh Aadan Maxamed Nuur Madoobe iyo wafdi uu hoggaaminayo ayaa Maanta gaaray magaalada Garoowe ee Xarunta Gobolka Nugaal ahna Caasimadda Maamulkaas.
Guddoomiye Aadan Madoobe iyo wafdigiisa ayaa waxaa Garoonka diyaaradaha Jeneraal Maxamed Abshir kusoo dhaweeyay Guddoomiyaha Baarlamaanka Puntland Cabdirashiid Yuusuf Jibriil, ku-xigeenadiisa, Xildhibaano, Wasiiro iyo mas’uuliyiin kale.
Guddoomiyaha Golaha Shacabka Baarlamaanka ayaa inta uu ku sugan yahay magaalada Garoowe waxa uu kulamo la qaadan doonaa Guddoomiyaha Baarlamaanka Puntland iyo  Madaxweyne ku-xigeenka Maamulka Axmed Cilmi Cismaan Karaash.
Lama shaacin ujeedka Guddoomiye Aadan Madoobe ee Garoowe, balse kulamada uu la qaadan doono Guddoomiyaha Baarlamaanka Puntland iyo Madaxweyne ku-xigeenka ayaa waxaa looga hadli doonaa arrimo kala duwan.
