Faah Faahinno dheeraad ah ayaa kasoo baxaya Qaraxyo waa weyn oo goordhweyd ka dhacay Magaalada Baladweyne ee Xarunta Gobolka Hiiraan, waxaana la helayaa warar kla duwan oo ku saaabsa weerarkaasi.
Wararka ina soo gaaraya ayaa tilmaamaya in labo Qarax oo waa weyn ay ka dhaceen Gudaha Magaalada, gaar ahaan Xerada lama-galaay oo ah xarunta ugu muhiimsan magaalada, waxaana lasoo sheegayaa in uu jiro khasaaro xooggan oo ka dhashay Qaraxyadaasi.
Labada Qarax ayaa ahaa ismiidaamin, waxaana fuliyay sida wararku sheegayaan Labo gaari oo waa weyn, kuwaasi oo gudaha u galay Xerada.
Khasaaro isugu jira dhimasho iyo dhaawac ayaa ka dhashay, waxaana la arkayay uuro circa isku shareertay taasi oo muujinaysa awoodda Qaraxyadaasi lagu weeraray Xerada Lama Galaay ee Magaalada Baladweyne.
Wali lama xaqiijin tirada khasaaraha ka dhashay Qaraxaasi, waxaana lasoo sheeegayaa khasaare badan, inkastoo laamaha ammaanka iyo maamulka Gobolka aysan wali wax war ah kasoo saarin Qaraxyadaasi.
