Maamulka Galmudug ayaa ka hadlay dil rag hubeysan oo maleeshiyaad ah ay gudaha deegaanka Xananbuure ee Gobolka Galgaduud ugu geysteen Cabdixamiid Daahir Aadan oo kamid ahaa dadka deegaankaas.
Wasiiru dowlaha Arrimaha gudaha Galmudug Axmed Dheere oo galabta warbaahinta kula hadlay Magaalada Dhuusamareeb ayaa waxaa ay sheegay in laamaha amniga Maamulka ay raad-joogaan soo qabashada raggii dilka geystay.
Waxaa uu sheegay Wasiiru dowlaha in Ciidamo badan loo diray deegaanka Xananbuure ee Gobolka Galgaduud, isla markaana ay socdaan howlgalo lagu baadi gaabayo soo qabashada dadkii dilay Marxuum Cabdixamiid oo kamid ahaa dadka deegaanka.
Sidoo kale Axmed Dheere ayaa wuxuu intaas uu sii raaciyay in xiisada ka taagan xananbuure ay ku lug leeyihiin gacmo kale oo ka leh dano siyaasadeed, isagoona ku baaqay in la joojiyo Colaada soo cusboonaatay.
Dilka loo geystay Marxuum Cabdixamiid Daahir Aadan ayaa markii dhacay kadib, waxaana halkaas ka dhacay dagaal u dhexeeyay laba maleeshiyo beeleed, waxaana dilkaas uu salka ku haayay aanooyin la xiriira qabiil.
