Wararka aan ka heleyno Magaalada Jowhar ee Caasimadda Maamulka Hirshabeelle ayaa waxaa ay sheegayaan in xaafad ka tirsan Magaaladaas lagu arkay Meydka wiil dhalinyaro ah oo kamid ahaa dadka deegaanka.
Meydka wiilka ayaa lagu arkay Beer (xamiiro) oo ku taalla xaafadda Buulo makiino ee Magaalada Jowhar, waxaana xiligii arkayay Wiilka uu kasoo laad-laaday geed dheer, isagoo ugu xirnaa qorta xarig.
Dad tegay goobta ayaa waxaa ku warrameen in Wiilka ilaa iyo hadda lagu murunsan yahay inuu is dal dalay iyo in la dilay, kaasi oo magacaabiisa lagu sheegay Feysal Bariise Jiinow oo da’diisa u dhaxeeyso 17 ilaa iyo 19- sanno jir.
Ciidamo ka tirsan kuwa Booliska Maamulka Hirshabeelle ayaa gaaray goobta lagu arkay Meydka marxuum Feysal Bariise oo loo maleynayo inuu is dal dalay, waxaana haatan Ciidanka ay baaritaano ku wadaan falkaas dhacay.
Dadka deegaanka xaafadda buulo makiino ee Magaalada Jowhar ee Xarunta Gobolka Shabeellaha Dhexe aya Maanta aad u hadal haaya dhacdadaan lagu arkay Meydka wiilka dhalinyarada ahaa, waxaana sidaa kalena horey dhacdooyin kala duwan uga dhaceen Jowhar.
