Warar dheeraad ah ayaa kasoo baxaya qarax Gaari oo Maanta ka dhacay Xaafada Siigaale ee degmada Hodan kaas oo la sheegay in uu ahaa mid gaari loogu dhejiyay Ruux watay.
Gaari nooca Soomaalida u taqaano Saruf ayaa qarxay,waxana xilliga uu qarxayay saarnaa Ruuxii lahaa Gaariga oo ahaa Guddoomiye kuxigeenka xiriirka Kubada Cagta Gobolka Shabeellaha Dhexe oo lagu Magacaabo Maxamuud Cumar Axmed(Qasaaye)
Eheladiisa ayaa Dalsan waxa ay u sheegeen in dhaawac  lugta ah uu ka soo gaaray  qaraxaas Guddoomiye kuxigeenka xiriirka Kubada Cagta Gobolka Shabeellaha Dhexe.
Wararka qaar aan helnay ayaa waxa ay sheegayaan in Gaariga uu Maanta ka soo bixiyay Garaash uu ugu xareesnaa labadii maalmood ee lasoo dhaafay intii ay Wadooyinka Muqdisho xirnaayeen,hayeeshee Maanta markii uu lasoo baxay uu ku qarxay.
Mid ka mid ah Isbitaalada Magalada Muqdisho ayaa loo qaaday dhaawiciisa oo la sheegay in uu yahay mid fudud,welina kama hadlin saraakiisha laamaha Amniga Soomaaliya.
Qaraxyada dhejiska ah ee Gawaarida lagu dhejiyo ayaa inta badan ka dhaca Magalada Muqdisho,waxaana horay loogu xiray oo u geeriyooday,Saraakiil Xildhibaano iyo dad kale.
