Wasiirka Arrimaha Dibedda ee dalka Tanzania, Bernard Membe ayaa sheegay inaysan weli xaqiijin karin in Lix qof oo ay Ciiddanka Kenya qabteen yihiin Muwaadiniin Tanzanian.
Wasiirka oo soo saaray War Saxaafadeed ayaa sheegay inay ku raad-joogaan Arrintaasi, isla maarkaana ay xiriir la sameeyeen Dowladda Kenya, si loo helo Tafaasiil dheeraad ah.
Afhayeenadda Boliska Tanzania, Advera Senso waxay sheegtay inaysan ka war haynin Arrintaasi, isla markaana ay bixin doonto Faahfaahino kale, marka ay hesho xog rasmi ah.
Wargeyska The Daily Nation ee ka soo baxa magaalladda Nairobi ayaa qoray inay Hay’addaha Ammaanka Kenya Axaddii la soo dhaafay ku qabteen lix nin oo Tanzanian ah Degmadda Garissa, iyagoo ku sii jeeday dalka Somalia, si ay ugu biiraan Alshabaab, waa sida hadalka loo dhigay.
Warbixinta Hay’addaha Ammaanka ee Kenya ayaa lagu sheegay in raggaasi lagu qabtay 7 Bistoolo iyo 7 bam gacmeed.
Madaxa Ammaanka ee W/bari Kenya, Mohamoud Salah ayaa sheegay in raggaasi Tanzanianka oo ay da’dooda u dhexeyso 20 jir ilaa 40 jir lagu joojiyey Degamadda Dhadhaab, iyago oqorsheynayey inay ka gudbaan Xuduudka Somalia.
Waxa uu intaasi daray in raggaasi lagu hayo Saldhigga Boliska Degmadda Garissa, oo ay Saraakiisha wax weydiinayaan.
Dhinaca kale, Â Madaxa Ammaanka ee W/bari Kenya, Mohamoud Salah waxa uu sheegay inay bilowgii toddobaadkan qabteen labo haween oo u kala dhashay Kenya iyo Tanazania, kuwaasi oo ku sii jeeday Somalia.
