Boliska Kenya ee La-dagaalanka waxa loogu yeero Argagixisadda, ayaa sheegay inay dagaal la galeen rag lala xiriirinayo Alshabaab,
Madaxa Ammaanka ee Garissa, Fredrik Shisiya ayaa sheegay inay qabteen mid ka mid ah kooxihii ay dagaalameen, halka dhowr kalena ay ka baxsadeen, waa sida uu hadalka u yiri.
Waxa uu sheegay in Ninka lagu tuhunsan yahay Alshabaab lagu qabtay meel ku dhow Xafiisyadda Hay’adda Islaamiga ee Samafalka Aajeer Islamic Relief.
Waxa uu intaasi ku daray inay Boliska iyo Kooxaha hubeysan tacshiirad is-weydaarsadeen, wuxuuna ku qairay inay ku raad-joogaan labo ka mid ah kooxihii weerarka soo qaaday.
Dhinaca kale, Goobjoogayaal ayaa u sheegay Wargeyska The Star inay saddex dhallinyarro hubeysan lagu arkayey iyagoo sahminaya dhismo ay deggan yihiin dadka aan u dhalanin Wajeer, si ay u weeraraan.
Ammaanka Wajeer ayaa la adkeeyey tan iyo wixii ka dambeeyey weerarkii ay Dagaalamayaasha Alshabaab bishan 2-dii ku qaadeen Jamaacadda Garissa, kuna dileen 148-qof oo badankooda arday ahaa.
