26dii April ilaa 02dii May 2015.
Maalmihii la soo dhaafey, waxaa dunida dacaladeeda ka socdey todobaadka dabaaldaga waxbarashada aduunka ee 26dii April ilaa 02dii May 2015. Dabaaldagakan wuxuu soo bilowdey sanaddii 2000 shirkii Dakar ee Waxbarashada Caalamka. Shirkaasi oo la isla gartey in waxbarashada loo siman yahay laga hirgeliyo dhamaan dunida.
Â
WAR SAXAAFADEED
Iyadoo ay ka faa’iideysana fursadatan dabaaldaga, oo ay eegeyso baahida dhabta ah ee xaga waxbarashada dalka ka jira, Ururka wadanniga ah ee Waxbashada Loo Siman Yahay ee Soomaliya (Education For All Somalia – EFASOM) waxay dadka Soomaaliyeed meel kasta oo ay joogaan ugu baaqeysaa in meel looga soo wada jeesto sidii kor loo qaadi lahaa tayadda waxbarashada dalka.
Si gaar ah, waxaan ugu baaqeynaa bulsho weynta Soomaaliyeed gaar ahaan:
- Wasaaradda Waxbarasha
- Gudoonka waxbarashada ee dhamaan gobollada dalka
- Maamuladda dugsiyadda hoose, dhexe, iyo sare
- Hayaddaha waxbarashada ku howlan, iyo
- Dhamaan bahda waxbarashada
Sidii kor loogu qaadi lahaa tayadda waxbarasha dhalaanla soomaaliyeed iyo dadka waa weyn. Waxaan dhamaan ugu baaqeynaa arimaha soo socda:
- In la hirgeliyo waxbarasho loo siman yahay oo bilaash ah
- In la dhaqan-geliyo siyaasadda waxbarashada dalka
- In sare loo qaado tayeenta macalimiinta mid dhaqaale iyo mid aqoon intaba, loona fidiyo dhamaan macalimiinta fursaddo tababaro oo dheeraad ah
- In la kordhiyo kormeerka waxbarashadda dugsiyadda si loo ogaado xaalada dhabta ah ee ka jirta dugsiyadda hoose, dhexe, iyo sare.
- In kor loo qaado dhaqaalaha ku baxa dhanka waxbarashada
Dhamaan qeybaha bulshada rayidka iyo Waxaaradda Waxbarashada waxaa looga baahan yahay in la iska kaashado sidii sare loogu qaadi lahaa tayada waxbarashada dalka.
Waxaa diyaariyey:
Ururka wadanniga ah ee Waxbashada Loo Siman Yahay ee Soomaliya (Education For All Somalia)
Mogadishu – Somalia , Email: contact@efasom.org, www.efasom.org, Taariikhda: 30 April 2015
