Wararka naga soo gaarayo Degmadda Jilib ee Gobalka J/dhexe ayaa sheegayo inay Dagaalamayaasha Xarakadda Alshabaab toogteen Nin Ajnabi oo u dhashay dalka Tanzania, kaasi oo lagu helay inuu Basaas u ahaa Hay’adaha Sirdoonka ee Maraykanka iyo Ruwanda.
Ninkaasi oo lagu magacaabi jirey Ciise James Mwaisige ayaa lagu helay inuu Xogaha iyo Dhaqdhaqaaqyadda Alshabaab u gudbin  jirey Hay’addaha Sirdoonka CIA-da Maraykanka iyo Sirdoonka Ruwanda.
Ciise James Mwaisige ayaa la sheegay in uu Hay’adahaasi ka helay lacag dhan 4,000 oo Dollar, si uu u maleego shirqool lagu dili lahaa Hoggaamiyayaal Sarsare oo ka tirsan Xarakadda Alshabaab.
Muuqaal ay Xarakadda Alshabaab soo bandhigeen ayaa muujinaya iyadoo Eedeysanahasi u dhashay dlka Tanzania lagu tooganayo Fagaare ku yaalla Degmadda Jilib.
Boqolaal dadweyne ayaa goob-joog ka ahaa Xukunka Dilka ee lagu fuliyey Ninkaasi.
©Radio Dalsan
