Ciidanka Millateriga Soomaaliya iyo kuwa dadka degaanka ee Macawisleyda ayaa lagu soo warramayaa in saaka ay dhaq-dhaqaaq xooggan ka wadaan qaybo ka mid ah Gobolka Mudug, halkaasi oo degaanno ka tirsan lagala wareegay AL-Shabaab.
Wararku waxaa ay sheegayaan in Ciidankii Dhawan la wareegay Magaaliooyinka Camara iyo tuulooyinka kale ay saaka u ruuqaansadeen degaanno kale oo cusub, oo sida la sheegay ay Al-Shabaab ku sugan yihiin.
Ciidanka ayaa kusii jiida Caad iyo degaanno kale, waxaana si gaar ah ay ugu sii jeedaan degaan lagu magacaabo jeex jeexa oo Al-Shaabab oo la sheegay in dagaalamayaasha Al-Shabaab ay fariisimo ku leeyihiin, waxaana hadda socda dhaq-dhaqaq xooggan.
Ciidanka Dowladda iyo kuwa dadka degaannka ayaa dhawaan waxaa ay si buuxda ula wareegeen degaanno badan oo ka tirsan Koofurta Gobolka Mudug.
Howlgallada socdda ayaa ka mid ah wajiga 2aad ee dagaalka ka dhanka ah AL-Shabaab, ee horay ugu dhawaqay Madaxweynaha Soomaaliya Xasan Sheekh Maxamuud.
