Warar dheeraad ah ayaa laga helaya weerar dagaalamayaasha Al-Shabaab ay ku qaadeen qaybo ka mid ah Xerada Xalane ee Magaalada Muqdisho, waxaana la maqlayaa dhawaqa rasaas culus oo dhinacyada dagaalamaya ay isku adeegsanayaan.
Kooxda Weerarka soo qaadday ayaa lasoo sheegayaa in ay kasoo galeen dhanka Madiina Gate, halkaasi oo dagaal toos ah oo dhimasho iyo dhaawac gaystay uu ka dhacay sida wararku sheegayaan.
Qayabaha ugu muhiimsan Xalene ayaa hadda ah kuwo la xiray, waxaana socda dagaal toos ah oo u dhexeeya AMISOM iyo kooxdii weerarka soo qaadday.
Dhanka kale dagaalamayaasha Al-Shabaab ayaa war kasoo saaray weerarkaasi, waxaana ay sheegeen in ay iyagu ka dambeeyaan weerarka socda.
Warar lagu baahiyay Warbaahinta ku hadasha afka Al-Shabaab ayaa lagu sheegay in ay Xalane weerar ku qaadeen, inkastoo aysan wax faah faahin dheeraad ah aysan ka bixin.
Wixii kusoo kordha halkaan kala soco.
