Ciidanka ammaanka gobolka Mudug ayaa faah faahin ka bixiyay howlgal ay ka sameeyeen gobolka, kaas oo lagu soo qabtay gaari nooca loo yaqaan Laylada. Gaarigan ayaa la sheegay in uu siday dawooyin iyo agab kale oo loogu talagalay in loogu gudbiyo dagaalamayaasha Al-Shabaab.
Saraakiisha ciidanka ammaanka ayaa warbaahinta u xaqiijiyay in ay gaari iyo darawalba gacanta ku hayaan. Waxaa sidoo kale la sheegay in baaritaanno ay socdaan, si loo ogaado meeshii gaariga loo waday, cidda soo rartay iyo ujeeddada rarkaasi.
Dawooyinka la qabtay, sida ay saraakiishu sheegeen, waxaa ka mid ahaa kiniino maanka dooriya, kuwaas oo la rumeysan yahay in ay kaalin ka qaadan karaan hawlgallada kooxda Al-Shabaab.
Baaritaanka waxaa sidoo kale lagu ogaan doonaa xiriirka uu darawalku la leeyahay kooxaha lala xariiriyay iyo hubka uu siday.
Saraakiishu waxay sheegeen inay soo bandhigi doonaan xogta rasmiga ah ee ku saabsan howlgalka iyo natiijooyinka baaritaanka marka uu dhammaado. W
