Waxaa Maanta degmada Warsheekh ee Gobolka Shabeellaha Dhexe ee dowlad Goboleedka Hirshabeelle ka dhaceysa doorashada Guddoonka Golaha deegaanka ee degmadaasi.
Doorashada Guddoomiyaha Golaha deegaanka Warsheekh ayaa waxaa ku tartamaya laba Musharax oo kala ah Maxamed Xasan Mataan iyo Yaasiin Geeddi Suubiye, kuwaasi oo kamid ah Xildhibaanada Golaha.
Sidoo kale xilka Guddoomiye ku-xigeenada Golaha deegaaanka ayaa waxaa ku tartamaya illaa 7 Musharax oo isku diiwaan-geliyay u tartanka qabashada xilka.
Howlka ay ka dhaceyso doorashada ayaa waxaa kusoo qul-qulaya Xildhibaanada Golaha deegaanka, Musharaxiinta tartameysa, mas’uuliyiin ka tirsan DFS, kuwa Maamulka Hirshabeelle iyo marti sharaf farabadan oo la casuumay.
Wasiirka arrimaha gudaha Hirshabeelle, Wasiirka dib u heshiinta Maamulka, Guddoomiyaha Gobolka Shabeellaha Dhexe, saraakiil ciidan iyo mas’uuliyiin kale ayaa goobjoog ka noqonaya doorashada Warsheekh ka dhaceyso.
Ammaanka guud ee degmada Warsheekh ee Gobolka Shabeellaha Dhexe ayaa siweyn loo adkeeyay, isla markaana waxaa la xiray waddooyinka soo gala iyo kuwa kabaxa Carunta degmada oo lagu qabanayo doorashada.