Boqolaal Ciidamo Deegaanka ah oo ka qayb qadanaya dagaalka ka dhan ah dagaalamayaasha Al-Shabaab ayaa shalay waxaa lagu soo bandhigay Magaalada Bacaadweyne ee Gobolka Mudug.
Ciidankan macwiisleyda ee lasoo Bandhigay ayaa waxaa loo diyaariyay inay ka qeyb qaatan howlgalada ka dhan ah Al-Shabaab oo ay deegaannada Galmudug ka wadaan ciidanka xoogga dalka, kuw Daraawiishta Galmudug iyo ciidanka macwiileyda.
Macwiisleydan ayaa waxaa kormer ugu tagay Saraakil ka kala tirsan Dowlada Federaalka, kuwa daraawiishta Galmudug iyo kuwa deegaanka, waxaana ay u shegeen in ay u diyaar garoobaan howlgal culus.
Ciidanka xoogga dalka Soomaaliya oo garab ka helaya ciidamada daraawiishta Galmudug iyo kuwa dadka deegaanka ayaa Al Shabaab ka saaray deegaanno badan oo kuyaalla gobolka Mudug ay ku jirto Bacaadweyn.