Maxkamadda Ciidamada qalabka sida qeybta Jubbaland ayaa soo gabagabaysay dhagaysiga kiis dacwad dil ah oo loo haysto eedaysane Maxamed Cabdullaahi Siciid (Maxamed Khadar).
Eedeysane Maxamed Khadar ayaa ku eedeysan dilka allaha u naxariistee Marxuum Maxamed Deeq Nuune Saalax oo lagu dilay xaafadda Calanleey ee Magaalada Kismaayo ee Xarunta Gobolka Jubbada Hoose.
Xeer ilaaliyaha guud ee Maxkamada Ciidamada Jubbaland G/ dhaxe Nuuradiin Maxamed Khaliif oo gacanta ku hayay baarista kiiskan ayaa Maxkamadda hor keenay caddeymo muujinaya goobta dilka uu ka dhacay waxaana uu sidoo kale cuskaday qiraal eedaysanaha laga hayay.
Maxkamadda Ciidamada qalabka sida qeybta Jubbaland ayaa Go’aan kama dambeys ah ka gaari doonta kiiska dacwada eedaysane Maxamed Cabdullaahi Siciid (Maxamed Khadar).