Madaxweyne ku-xigeenka koowaad ee dowlad Goboleedka Jubbaland Maxamuud Sayyid Aadan ayaa xilalkii ka qaaday Guddoomiyihii degmada Luuq ee Gobolka Gedo Cali Kadiye iyo Guddoomiye ku-xigeenkii koowad ee degmadaas Jeelle Xuseen Cabdi.
Wareegto kasoo baxday xafiiska Madaxweyne ku-xigeenka Jubbaland ayaa waxaa Guddoomiyaha cusub ee degmada Luuq loogu magacaabay inuu noqdo Daahir Muxumed Nuur (Daahir Caato), halka Jabarti Isaaq Aadan laga dhigay Guddoomiye ku-xigeenka degmada.
Sababta keentay magacaabista Guddoonka cusub ee Luuq ayaa waxaa lagu sheegay baahi loo qabo in la fuliyo habka nidaamka wax qeybsiga oo hore la isku waafaqay, sida lagu caddeeyay wareegtada uu soo saaray Maxamuud Sayyid Aadan.
Sidoo kale Madaxweyne ku-xigeenka Maamulka Jubbaland ayaa faray hay’addaha amniga ee degmada Luuq ee Gobolka Gedo inay la shaqeeyaan mas’uuliyiinta cusub ee lasoo magacaabay, si ay u gutaan waajibaadkooda shaqo ee loo idmaday.
Hoos ka Akhriso wareegtada magacaabista
