Ra’iisul Wasaaraha Xukuumadda Federaalka Soomaaliya Xamsa Cabdi Barre iyo wafti ballaaran oo uu hoggaaminayo ayaa gaaray magaalada Daarusalaam ee dalka Tanzania, waxaana Garoonka dalkaas kusoo dhaweeyay mas’uuliyiin ka tirsan dalka Tanzani.
Ra’iisul Wasaare Xamse ayaa magaalada Daarusalaam uga qeyb galaya Shir madaxeedka horumarinta Karaanka Aadanaha ee Afrika oo lagu wado inuu ka furmo magaaladaasi, Shirka ayaana waxaa ka qeyb galaya madax ka socota dalalka Afrika,
Shir madaxeedka ayaa waxaa looga hadlayaa taabbagelinta awoodda dadweynaha, oo ah ahmiyad gaar ah u leh dalalka qaaradda Afrika, si ay uga qaybqaataan horumarka qaaradda hiigsaneyso taasi oo mudnaan gaar ah oo ku aadden horumarinta bulshada u leh Xukuumadda Soomaaliyeed ee DanQaran.
Xubnaha wafdiga Ra’iisul Wasaaraha ayaa waxaa ka mid ah Wasiirka Waxbrashada, Hiddaha iyo Tacliinta Sare, Faarax Sheekh Cabdulqaadir, Wasiirka Caafimaadka iyo Daryeelka Bulshada Dr Cali Xaaji Aadan, Wasiirka Shaqada iyo Arrimaha Bulshada Dr. Maxamed Cilmi Ibraahim iyo masuuuliyiin kale.
