Madaxweynaha Jamhuuriyadda Federaalka Soomaaliya  Xasan Sheekh Maxamuud iyo Madaxweynihii hore Shariif Sheekh Axmed ayaa kulan gaar ah xalay ku yeeshay madaxtooyada Qaranka ee Villa Soomaaliya.
Kulankan ayaa dabo socda kulamo Madaxweyne hore Shariif Sheekh Axmed  uu muddadaan la yeelanayay qaybaha kala duwan ee bulshada, kuwaasoo ujeedadoodu tahay sidii xal loogu heli lahaa caqabadaha siyaasadeed ee ka taagan dalka.
Madaxweyne Sheekh Shariif ayaa ka mid ahaa siyaasiyiin horay usoo saaray qoraal xambaarsan aragtidooda ku aaddan heshiiski ay wada gaareen MWQ.
Madaxweynihii hore Mudane Shariif Sh Ahmed ayaa Madaxweynaha Dalka Mudane Xasan Sheekh Maxamuud kala hadlay arrimaha dastuurka, hannaanka doorashooyinka, muddo kororsiga, xiriirka dowladda dhexe iyo dowlad goboleedyada, arrimaha la dagaallanka argagixisada, arrinta Gedo, colaadda Laascaanood iyo colaadaha kasoo cusboonaaday qaybo ka mida gobollada dalka.
