Faah faahinno dheeraad ah ayaa laga helayaa Shil khasaare badan dhaliyay oo ka dhacay degaan ka tirsan Dowlad degaanka Soomaali galbeed, waxaana ka dhashay dhimasho iyi dhaawac sida ay sheegayaan wararkii ugu dambeeyay.
Inta la xaqiijiyay ugu yaraan 4 qof ayaa ku dhimatay, halka ay 25 qof oo kalena ay ku dhaawacmeen, ka dib markii uu shil tareen uu ka dhacay qabalaha Ceel-baxay oo ka tirsan degmada Shiniile ee gobolka Siti ee dawlad deegaanka Soomaalida Galbeed.
Shilkan ayaa yimi ka dib markii tareen ka yimi dalka Djibouti ay isku dhaceen, Gaari nooca xamuulka ah oo ku sugnaa wadada tareenka.
Ku Xigeenka Duqa magaalada Shiniile Zakariye Maxamed Cabdi oo warbaahinta la hadlay ayaa faah faahin ka bixiyay sida uu u dhacay Shilkaasi, waxaana uu sheegay in haatan lala tacaalayo xaaladda dadkii ku dhaawacmay shilka.
