Duhurnimadii Maanta ayaa Kooxo hubeysan waxa ay rasaas ku fureen Guddoomiyihii Dhalinyarada degmada Hodan,xilli uu kasoo baxay Salaadii Jimcaha mid ka mid ah masaajida ku yaalla degmadaas,waxaana rasaastaas kasoo gaaray dhaawac culus.
Kooxihii ka dambeeyay weerarka lagu qaaday Guddoomiyihii dhalinyarada degmada Hodan oo lagu Magacaabi jiray Sakariye Hadaafow ayaa goobta ka baxsaday.
Mid ka mid ah Isbitaalada Magalada Muqdisho ayaa dhaawiciisa loo qaaday sida ay xaqiijiyeen mas’uuliyiin ka tirsan Maamulka degmada,hayeeshee Gelinkii dambe ee Maanta uu dhaawicii soo gaaray uu u geeriyooday.
Majirto cid loo qabtay dilka Guddoomiyihii Dhalinyarada degmada Hodan iyo ci weli sheegatay mas’uuliyadda dilkaas,hayeeshee waxa uu qeyb ka yahay dilalka inta badna loo geysto dadka u Shaqeeya Dowladda Soomaaliya.
