Wararka Radio Dalsan uu ka helayo Magalada Baydhabo ee Xarunta Gobolka Baay ayaa waxa ay sheegayaan in Gelinkii dambe ee Maanta uu halkaasi ka dhacay qaraxa khasaaro geystay.
Dad ku sugan Baydhabo ayaa waxa ay sheegeen in qaraxa uu ka dhacay agagaarka Xaafada lagu Magacaabo Isha,isla markaana uu ka dhashay Bam ay wateen rag Mooto saarnaa.
Ilaa laba ruux ayaa la xaqiijiyay inay qaraxaasi ku geeriyoodeen,;amana oga waxa ay ahaayeen dadka bambaka watay ee uu ku qarxay,waxaana dad ku sugan Baydhabo ay sheegeen in jugta qaraxa inta badan laga maqlay Xaafadaha Magalada Baydhabo.
Qaraxa Galabta ka dhacay Magalada Baydhabo ayaa kusoo aadaya xilli weli Magalada Baydhabo ay ku sugan yihiin wafdi ka tirsan Madaxdii ka qeyb gashay xafladii Caleemo-saarka Madaxweynaha Koonfur Galbeed.
