Kulan socday in ka badan sideed saacadood ayaa waxa uu Turkiga ku dhexmaray Mas’uuliyiin uu horkacayay Wasiirka Gaadiidka iyo Duulista Soomaaliya Maaxamed Cabdullaahi Salaad(Omaar) iyo Mas’uuliyiinta Shirkadda Favori ee Maamusha Garoonka Diyaaradaha Aadan-Cadde.
Kulankaas ayaa waxaa looga hadlayay dib ugu naqashada heshiiskii horay ay shirkadaas kula wareegtay maamulida Garoonka Diyaaradaha Aadan-Cadde ee Magalada Muqdisho,iyada oo heeshiis kaas laga muujiyay inay ku jiraan dulduleelo farbadan.
Wasiirka Gaadiidka iyo Duulista Soomaaliya Maaxamed Cabdullaahi Salaad(Omaar) ayaa sheegay in heshiiskaas Wasaaradu dib u eegis ay ku sameyneyso si heshiis Cusub ay ula galaan Shirkada Favori.
Waxa uu hadalkiisa intaasi ku daray in heshiiska Cusub uu rajeynayo in Sanadkaan gudihiisa ay shirkadda la gaaraan,isla markaana uu noqon doono mid wax badan u tara Dowladda Federaalka Soomaaliya.
Heshiiska Shirkadda Favori ee laga leeyahay dalka Turkiga ay kula wareegtay Garoonka Diyaaradaha Aadan-Cadde ee Magalada Muqdisho ayaa waxa uu dhacay Sanadkii 2013 waxana gashay dowladii uu hoggaaminayay Madaxweyne Xasan Sheekh Maxamuud.
