Kadib markii shalay Madaxda Dowlad Goboleedyada eek u shiray Magalada Kismaayo ay sheegeen inay xiriirkii u jareen Dowladda federaalka Soomaaliya ayaa durba waxaa Go’aankaas ka jawaabay qaar ka mid ah Madaxweyne ku xigeenada laba ka mid ah Dowlad Goboeledyada.
Madaxweyne ku xigeenka Dowlad Goboleedka Puntland Cabdi Xakiin Xaaji Xumar Cameey ayaa sheegay in Go’aanka ay xiriirka ugu jareen Dowladda Dowlad Goboleedyada uu yahay mid ay ku deg degeen,isla markaana Go’ankaas uusan isaga la qabin.
Waxaa la weeydiiyey Su’aal aheyd in Madaxda kale ee Puntland uu kala tashaday,waxana uu sheegay in aysan jirin cid uu kala tashaday,isla markaana xilligaan uu ka soo horjeedo in dowladda Soomaaliya ay Madaxda Maamul goboleedyada xiriirka u jaraan.
Dhinaca kale Madaxweyne ku xigeenka Galmudug Maxamed Xaashi Carabeey oo la hadlay Dalsan ayaa isna waxa uu sheegay in waqtigaan aan la joogin xilligii dowladda Soomaaliya xiriirka loo jari lahaa,sila markaana Madaxdii ku shirtay Kismaayo ay Go’aankaas klu deg degeen.
Sidoo kale waxa uu ka soo horjeestay qodobada qaar oo ku jiray Warmurtiyeedka ka soo baxay Madaxda Dowlad Goboleedyada oo uu sheegay inay uga hadleen Arrimaha Galmudug iyo khilaafka u dhaxeeya Madaxda ugu sareysa Maamulka Galmudug.
Hoos Ka Dhageyso Codadka labada Madaxweyne ku xigeen.
