Donald Trump ayaa hadalkaasi ku sheegay Wareysi uu siiyey Wargeyska The Times of London, wuxuuna qaadista xayiraadaasi shuruud uga dhigo inay Dowladda Raashiya marka hore oggolaato inay dib ugu soo laabato Wada-xaajoodkii dhimista Hubka Nukiyeerka.
Maraykanka waxay Raashiya ku soo rogeen Cunaqabataynta, kadib, markii ay Ciiddanka Raashiya qabsadeen Gobalka Keremiya ee dalka Yukrayn.
Trump oo Jimcaha soo socoto la wareegi doona xilka Madaxweynaha 45-aad ee Maraykanka ayaa tilmaamay inuu kor u qaadayo mudnaanta weyn ee xakamaynta Hubka Nukliyeerka, tan iyo markii ay Maraykanka iyo Raashiya ku kala boodeen Heshiiska cusub ee lagu yareynayo Hubka Istaraatijiyada leh.
Wareysiga uu Donald Trump siiyey Wargeyska The Times of London waxa kaloo uu si kulul u naqdiyey Siyaasadda Maraykanka ee haatan, isagoo sheegay in Qabsashadii Iraq ahayd Qabrigii qaladka ee ugu weynaa Taariikhda Maraykanka in dhagxaan lagu tuuro Hoy Shinni leedahay.
Waxa kale oo uu Wareysigiisa ku naqdiyey Tallaabadda ay Dowladda Raashiya ku faragelisay Dagaalka sokeeye ee dalka Syria, wuxuuna ku tilmaamay tallaabo aad u qaldan oo horseeday sii-xumaynta Xaalladda Aadminimo ee dalkaasi.
©Radio Dalsan
