Burcad Kenyan ah ayaa waxay dhac xooggan u geysteen goobaha Ganacsiga ee ay dadka Soomaaliyeed ku leeyihiin Dhismaha laga dukaamaysto ee Moyale Mall ee Xaafadda Islii.
Hadal ka soo baxay Boliska ayaa lagu sheegay inay Burcadda jabsadeen 9 Dukaan oo ay Ganacsato Soomaali leeyihiin, kana dhaceen Qalabka Elektroonikadda oo lagu qiimeeyey Malaayiin Shillinka Kenya.
Dhinaca kale, Burcaddu waxay dileen 2 ka mid ah Ilaaladda Dhismaha Dukaamaysiga ee  Moyale Mall, waxaa kaloo la la la’ yahay 2 Waardiye oo la waayey, markii la soo weeraray goobahaasi Ganacsi.
Sarkaal u hadlay Boliska Nairobi ayaa sheegay in lagu soo wargeliyey dhacdadaasi markii ay Tuugadda la baxsadeen Qalabkii ay ka dhaceen Goobaha Ganacsiga ee ay qaar ka mid ah Ganacsatadda Soomaaliyeed ku leeyihiin Suuqa Xaafadda Islii.
Si kastaba ha ahaatee, ma aha markii ugu horreysay oo ay Burcad Kenyan hubeysan ay cagta mariyaan goobaha ganacsiga ee Suuqa Islii, waxayna Ganacsatada ka cawdaan Dabley Hubeysan ee dhaca u geysta Ganacsatadda iyo Dadweynaha u soo Dukaamaysi tega Suuqa Islii oo ah kan ugu qiimaha jabadan Suuqyadda kale ee ku yaalla Faras-magaallaha Hoose ee Nairobi.
©Radio Dalsan
