Wasiirkii hore ee Awqaafta ee dalka Masar, ahna Xubin ka tirsan Golaha Culumadda Waa Weyn ee dalka Masar, Dr. Mohamed Abdil-fadil Al-qowsi ayaa xaqiijiyey inay Somalia Xarun u tahay Islaamka Casriga, iyadoo ay Culumadda Dariiqadda Suufiyadda Casriga  asaas u tahay inay Somalia xarun taariikhi u noqoto Caalamka Islaamka.
Dr. Mohamed Abdil-fadil Al-qowsi ayaa hadalkaasi ka jeediyey Xaflad ay isku duwday Jaamacadda Diiniga ee Al-azhar oo lagu soo xirayey Tababar u socday 15 Iimaam u dhalatay Somalia, kuwaasi oo Tababar u joogay dalka Masar.
Waxa uu intaasi ku daray inay Dariiqadda Suufiyadda Somalia awoodeen inay isku keenaan waxa u dhexeeya Cilmiga Sharciga iyo Ruuxiyadda oo uu ku tilmaamay inay tahay mid ka mid ah Muuqaalka Islaamka ee Isku-dheelitirka iyo Is-jacaylka Ummadda.
Dr. Mohamed Abdil-fadil Al-qowsi waxa kale oo uu sheegay inay Somalia haatan noqotay Qalbiga Dagaalka Afkaarta ee Maanta , isla markaana ay ka dilaaceen Kooxo Sumcadda Dhabta ee Islaamka ku beddelayo Dagaalo iyo Argagixiso.
Waxa uu ugu baaqay Iimaamyadda uu Tababarka u soo dhamaaday inay noqdaan kuwo fidiya Risaala Alazhar, kana shaqeeya Nabadda, Deganaanshaha iyo Is-jacaylka Ummadda Soomaaliyeed.
Iimaamyadda Masaajidda ee Tababarka loogu soo xiray Jaamacadda Alazhar ayaa loogu talagalay inay sii gudbiyaan Farriinta Jaamacadda Alazhar ee La-dagaalanka Aragtiyadda Xag-jirka iyo in laga fal-celiyo wax kasta oo ka horimaanayo Islaamka.
© Dalsan Radio
Â