Aqalka Cad ee looga arrimiyo dalka Maraykanka ayaa u qoondeeyey in ku dhow Hal Million oo Dollar Barnaamij loogu talagalay in lagu caawiyo Dhallinyarradda Soomaalida ku nool Gobalka Minnesota, si aysan ugu fekerin inay ku biirinaan Dagaalamayaasha  Kooxda Daacish.
Hay’ad aan Dowli ahayn oo lagu magacaabo Youthprise  ayaa wada Barnaamij loogu talagalay Dhallinyarada wax barata, iyadoo 10% Ardayda dhigata Dugsiyadda ku yaalla magaalladda Minneapolis yihiin Arday Somali oo aad u dadaalayo.
Shaqo la’aanta Soomaalida ayaa waxay ku dhowdahay 21%,  iyado oArdaydu bilaabeen inay isugu yeeraan Argagixiso iyo magacyo kale.
Kala-bar Muwaadiniinta Maraykanka ee ku biirtay Daacish ayaa waxay ka soo jeedaan Gobalka Minnesota o oay ku nool yihiin Soomaalida ugu tiradda badan dalkaasi.
Tiro-koob Qaran (National Statistics) ayaa waxa uu muujinayaa inay inta badan Jaalliyadda Soomaalida lagu arko Dhallinyarro doonaysa inay ku biiraan Dagaalamayaasha Daacish ee ka dagaalanta dalalka Syria iyo Iraq.
Ugu yaraan 15 Somali-Maraykan ku noolaa Gobalka Minnesota ayaa la sheegay inay ku biireen Kooxda Daacish, halka 5 kalena la qabtay, kuwaasi oo sugaya in go’aan laga gaaro Dacwadooda.
