Hay’adda Adeega socdaalka ee dalkaasi ayaa soo saartay Sharci Cusub oo Qaxootiga la diido codsigooda  magangalyo-doonka u suurto-gelin kara inay iskooda dib ugu soo laabtaan dalalkooda hooyo.
Hay’addu waxay xustay inay Qaxootiga la diido codsiyadaooda weydiisan karaan Taageero Lacageed, si ay ugu adeegsadaan Safarka ay dib ugu laabanayaan dalalka ay ka soo jeedaan..
Warbaahinta Yle ee dalka Finland ayaa sheegtay in qeyb ka mid ah Kharajkaasi la siinayo qofka ka hor inta uusan ka dhoofin Finland, iyadoo qeybta kalena la siinayo marka uu qofkaasi tago dalkiisa hooyo.
Sharciga cusub oo si khasab ah loo dhaqan geliyey bishii July ee la soo dhaafay ayaa waxaa dib dalalkooda loogu celiyey Qaxooti u kala dhalatay Somalia, Iraq iyo Afganistan.
Dib-u-celinta Kooxdaasi Qaxootiga ayaa la sheegay in lagu kharaj gareeyey ku-dhawaad 1,000 Euro qofkiiba.
Dhinaca kale, Dowladda Finland waxay horey kharajka Qaxootiga iskooda ugu laabanayo dalalkodoa hooyo kala kaashan jireen Waaxda Adeegga socdaalka, Maalgelinta Midowga Europe ee dadka laabanayo, iyadoo Hay’adda Caalamiga ee Muhaajiriinta (IMO) mas’uul ka tahay inay Qaxootiga u fududeeyaan Safarkooda.
Sarkaalka dhinaca Sharciga ee Wasaaradda Arrimaha Gudaha ee Finland, Jorma Kantola ayaa sheegay inay jiraan Waddamo aan oggolayn inay qaabilaan Qaxootiga iskooda ugu laabanayo.
Hay’adda Dowladda Finland ugu qaabilsan Dib-u-celinta Qaxootiga iskooda u go’aansada inay dalalkooda ku laabtaan, ayaa sheegtay in ay 318 qof iskooda dib ugu laabteen dalalkooda hooyo sannadkii hore.
© Radio Dalsan
