Ergayga Gaarka ee Guddoomiyaha Ururka Midowga Afrika ugu qaabilsan Arrimaha dalka Somalia, Dr. Maman Sidikou ayaa sheegay inay Ciiddanka Kenya qeyb ka yihiin Hawlgalka AMISOM, waxayna door ballaaran ka qaateen La-dagaalanka Alshabaab iyo inay kala wareegaan deegaano ballaaran.
‘Ciiddanka Kenya iyo kuwa kale ee ka yimid dalalka kale, waxay door kaqaataan Deganaanshaha iyo soo-celinta Nabadda ee Somali oo faa’ido u wada leh Somalia iyo guud ahaan Afrika’ ayuu yiri Dr. Maman Sidikou.
Waxa uu tilmaamay inay qalad noqon doonto haddii ay Ciiddamadda Afrikaanka isaga huleelaan  dalka Somalia ka hor intaan loo itaal sheeganin Al-shabaab, lana soo celinin Nabadda Somalia, waa sida uu hadlka u yiri.
Dhinacakale, Waxa uu Beesha Caalamka ugu baaqay iny Qqalab ku taageeraan Ciiddanka Qaranka Somalia, isagoo xusay inay ciiddamo aad u qalabaysan muhiim u yihiin Deganaasnahah Somalia, isla marka ay Ciiddanka AMISOMÂ ka baxaan dalka Somalia.
Hadalka Ergayga Gaarka ee Guddoomiyaha Ururka Midowga Afrika ugu qaabilsan Arrimaha dalka Somalia, Dr. Maman Sidikou ayaa waxa uu ku soo beegmayaa  iyadoo ay Isbahaysiga Mucaaradka Kenya codsadeen in Ciiddanka Kenya ee qeybta ka ah Hawlgalka Somalia dib loogu soo celiyo dalkooda hooyo,si ay wax uga qabtaan Hawlgalladda ay Dagaalamayaasha Alshabaab ka fuliyaan gudaha Kenya.
 © Radio Dalsan
