Mudane Mohamed Mukhtar Ibrahim, Wasiirka Batroolka & Macdanta, ayaa dhawaan booqday dalka Maraykanka. Wasiirka waxa uu halkaas kula kulmay Wasaaradda Arimaha Dibadda iyaga oo ka hadlay fursadaha iyo caqabadaha dhanka shidaalka Soomaaliya. Sidoo kale Mudanaha waxa uu la kulmay Wasaaradda Ganacsiga, waxayna ka wada hadleen sida loo maamulo daqliga iyo sharuucda maalgashiga shidaalka.
Wasiirka waxa uu la kulmay Wasaaradda Arimaha Gudaha iyaga oo isla fiiriyay sida loo uruuriyo isla markaana loo qeybiyo daqliga ka soo xarooda shidaalka. Wasiirka waxa uu yiri, “Dowlada Maraykanka waxay ka mid tahay dowladaha si fiican u maamulo shidaalka, waxaan doonaynaa in aan wax ka barano. Shidaalka waxa uu noqon karaa habaar ama duco, iyada oo hadba ay ku xeran tahay sida loo maamulo. Waxaan doonaynaa Soomaaliya shidaalkeeda in uu noqdo mid dalka u horseeda horumar.â€
© Warqabadka Dalsan Radio
