Guddiga Madaxa Banaan ee Doorashooyinka Qaranka ayaa goordhow la filayaa inay qabtaan shir jaraa’id, kaas oo ay ku shaacin doonaan habraaca iyo nidaamka doorashooyinka dalka.
Shirkan ayaa lagu wadaa in uu ka dhacdo xarunta guddiga, waxaana warbaahinta loo yeeray si ay u soo tabiyaan ku dhawaaqista qorshayaasha doorashooyinka ee dhawaan dalka ka dhici doona.
Guddiga ayaa si gaar ah ugu dhawaaqi doona qaabka ay u qorsheeyeen in doorashooyinka dalka lagu qabto iyo sida ay uga go’an tahay in doorashooyin hufan oo daahfuran loo sameeyo. Waxaa si weyn loo sugayaa dardargalinta iyo hirgelinta doorashooyinka, iyadoo la rajeynayo inay dhacaan si cadaalad ah oo dhammaan dadka Soomaaliyeed ay fursad u helaan inay codkooda dhiibtaan.
Shirkan jaraa’id ayaa noqon doona mid muhiim ah, waxaana lagu soo bandhigi doonaa faahfaahinta habraaca doorashooyinka iyo xilliga ay bilaaban doonaan.
Madaxweyne Xasan Sheekh Maxamuud ayaa dhawaan magacaabay guddigan, isagoo horey uga sheegay inuu ka go’an yahay in dalka ka dhaco doorasho qof iyo cod ah.
Guddiga Madaxa Banaan ee Doorashooyinka Qaranka ayaa lagu wadaa inay ka qayb qaataan sidii dalka loogu diyaarin lahaa doorashooyin madax-bannaan oo dhameystiran.
