Ku-simaha Madaxweynaha dowlad Goboleedka Puntland ahna Madaxweyne ku-xigeenka Maamulka Axmed Cimi Cismaan Karaash, ayaa Maanta Shir-guddoomiyay kulan ku saabsan Amniga guud deegaanada Maamulka.
Kulanka ayaa inta uu socda waxaa sigaar ah diirada loogu saaray xoojinta xiriirka wadashaqeyn e dhexeeysa laamaha amniga iyo dardargelinta qorsheyaasha amni ee maalmaha Ciida.
Madaxweyne ku-xigeenka Maamulka Axmed Cimi Cismaan Karaash ayaa Warbixino kala duwan oo la xiriira dhinaca amniga ka dhageystay Taliyeyaasha Ciidamada dowlad Goboleedka Puntland ee ka qeyb galay kulanka.
Axmed Karaasha ayaa laamaha amniga qeybahooda kala duwan ee Magaalooyinka Puntland faray inay dardar-geliyaan sugida amniga maalmaha lagu guda jiro Ciiddul Fitriga oo maalmo kooban naga xigaan.
Kulanka waxaa ka qeybgalay Wasaaradda Cadaaladda, Taliyeyaasha Ciidamada Daraawiishta iyo Booliska, Maamulka Gobolka Nugaal, Kan degmada Garoowe iyo Saraakiil Madaxtooyo
