Madaxweynaha dalka Eritrea, Isaias Afwerki ayaa waxa uu bilaabay dadaal cusub oo uu ku doonayso in xal looga gaaro Xiisadda Suudan iyo Ethiopia ee Muranka Biyo-xireenka Ethiopia ee GERD.
Madaxweynaha Eritrea oo Maanta booqasho 2 maalmood ah ku tegay caasimada dalka Sudan ee Khartoum ayaa waxa Socdaalkiisa lagu tilmaamay mid Diplomaasiyadeed oo uu ku doonayo xal laga gaaro Muranka Biyo-xireenka Ethiopia ee GERD.
Qaar ka mid ah Warbaahinta Madaxa bannaan ee dalkaasi ayaa shaaciyey in hadalka Socdaalka Madaxweynaha Eritrea tahay Xalinta Muranka Biyo-xireenka GERD, iyadoo ay Dowladaha Masar, Sudan iyo Ethiopia isku haystaan saami-qeybsiga Biyaha ee webiga Nile.
Ethiopia ayaa qorsheynaysa inay bisha July dhamaystiraan biyo-buuxintii 2-aad ee Biyo-xireenka GERD, iyadoo ay Dowladaha Masar iyo Sudan ka soo horjeedaan.
Dhismaha Biyo-xireenkaasi waxaa la bilaabay sanadkii 2011-kii, iyadoo qorshuhu yahay in Biyo-xireenka laga dhaliyo Koronto Ganacsi ahaan loo gaarsiinayo Guud ahaan Ethiopia iyo dalalka deriska.
