Maxkamadda Sare ee magaalladda Mombasa ee dalka Kenya ayaa ka biyo diiday in Eedeysane Mohamed Khaalid Ali lagu sii daayo damiin lacageed oo dhan 10 million oo Shillinka Kenya.
Ninkaasi oo la sheegay inuu ka tirsan yahay Alshabaab ayaa lagu soo oogay inuu wax ka qorsheeyey weerarkii ay Dagaalamayaasha Alshabaab bishii April ku qaadeen Jaamacadda Garissa, laguna dilay 148 qof oo badankooda Arday ahaa.
Wargeyska The Standard ee ka soo baxa Nairobi ayaa qoray inay Maxkamadda Sare ee Mombasa ka laabatay in damiin lacageed lagu si idaayo Eedeysanahaasi, kadib, markii afar ka mid ah shantii qof ee Markhaatiga u ahayd Dacwadiisa ku geeriyoodeen gaari ay Alshabaab bishan July 13-dii ku rasaaseeyeen Deegaanka Hindi ee duleedka Degmadda Laamu.
Qofka kale ee ku dhaawacmay weerarkaasi ayaa lagu daaweynayaa Isbitaalka Guud ee Xeebta oo ku yaalla magaalladda Mombasa.
