Waxaa maalintii saddexaad Xarunta Madaxtooyada ka socda Shirka Golaha Wadatashiga Qaran ee madaxda dowladda Federaalka Soomaaliya iyo kuwa dowlad Goboleedyada dalka, Shirka ayaa furmay maalintii dorraad aheyd ee talaadada.
Shirka Madaxda ayaa waxa looga arrinsanayaa arrimo dhowr ah oo ay kamid yihiin xaaladda amniga dalka, gaar ahaan dar dargelinta dagaalka ka dhanka ah Al-shabaab oo Ciidamada Xoogga dalka ay ka soo hoyeen guulo waaweyn, kana xoreeyeen deeganno badan oo ay horey ugu dhibaateynayey shacabka Soomaaliyeed iyo dhameystirka dastuurka dalka.
Sidoo kale madaxda dowladda iyo kuwa maamulada ayaa shirkooda galay maalintii saddexaad dood adag uga yeelanaya arrimaha doorashooyinka dalka, waxaana madaxda dowlad Goboleedyada marka laga reebo Puntland kusoo food leh doorashooyin.
Shirkii shalay ee Golaha Wadatashiga Qaranka ayaa waxaa Warbixino looga dhageystay Hoggaamiyaha Maamulka SSC-Khaatumo Cabdiqaadir Axmed Aw-Cali oo madaxda usoo bandhigay xaaladaha amni iyo bulsho ee deegaannada SSC.
