Madaxweynaha Jamhuuriyadda Federaalka Soomaaliya Xasan Sheekh Maxamuud iyo Madaxweynaha Maamulka Somaliland Muuse Biixi Cabdi ayaa Maanta oo khamiis ah waxaa ay kulan ku yeelan doonaan magaalada Jabuuti ee caasimadda dalkaasi.
Kulanka dhexmari doona Madaxweyne Xasan Sheekh iyo Muuse Biixi ayaa waxaa dib loogu bilaabi doonaa wadahadaladii u dhaxeeyay Soomaaliya iyo Somaliland, sida lagu shaaciyay War-saxaafadeed kasoo baxay Madaxtooyada Soomaaliland.
Madaxweynaha dowladda Federaalka Soomaaliya iyo wafdi uu hoggaaminayo ayaa saacadaha soo socda ee Maanta tagi doona dalka Jabuuti, halka dhan kale Madaxweynaha Somaliland Muuse Biixi iyo wafdi la socday ay Maanta gaareen Jabuuti.
Si kastaba, madaxweynayaasha Soomaaliya iyo Somaliland ayaa horay sidaan oo kale sanadkii hore ugu kulmay dalka Jabuuti, kadibna waxa ay ka wada qayb galeen meherka Xildhibaan Saadaq Joon iyo gabadha madaxweynaha dalkaasi, Haybado Ismaaciil Cumar Geelle.
