Madaxweynaha dowlad Goboleedka Koonfur Galbeed Cabdicasiis Xasan Maxamed Laftagareen ayaa xalay kulan la qaatay Odayaasha dhaqanka iyo Dhalinyarada Degmada Diinsoor ee Gobolka Baay, halkaasi oo uu shalay gaaray Lafta-gareen.
Madaxweyne Cabdicasiis Lafta-gareen ayaa Odayaasha dhaqanka kala hadlay qorshaha dagaalka ka dhan ah Al-Shabaab iyo Midnimada iyo Wadajirka dadka dega Degmada Diinsoor.
Kulanka waxaa ka qeybgalay Wasiirka Difaaca Dalka Mudane Cabduqaadir Maxamed Nuur Jaamac, Wasiirka Qorshaynta Koonfur Galbeed Xuseen Maxamuud Shekh Xuseen iyo qaar kamid ah Odeyaasha dhaqanka Koonfur Galbeed.
Madaxweynaha iyo xubnaha wafdiga ee la socdo ayaa odayaasha iyo waxgaradka ayaa sidoo kale kala hadlay dardargalinta wajiga 2-aad ee howlgalada ka dhanka ah AS ,iyo sidii looga wada qeyb qaadan lahaa dagaalka dalka looga xoreynayo.
