Wasaaradda Arrimaha Gudaha ee dalka Ruushka ayaa waxay jimcihii shalay soo saartay waaran ama Amar soo-qabasho (an arrest warrant) oo lagu soo xirayo Kariim Asad Ahmed Khan oo haatan ah Dacwad-Oogaha Guud ee Maxkamadda Caalamiga ee Dembiyada ee ku taalla magaalladda The Hauge ee dalka The Netherlands.
Dacwad-Oogaha Guud ee ICC oo ah Muwaadin British asalkiisu Pakistani yahay ayaa waxa uu bishii March ee la soo dhaafay soo saaray Amar soo-qabasho oo lagu soo xirayo Madaxweynaha dalka Ruushka, Vladimir Putin iyo Haweeneyda lagu magacaabo Maria Lvova-Belova oo ah Madaxa Hay’adda Raashiya ugu qaabilsan Arrimaha Xuquuqda Carruurta
Madaxweyne Putin iyo Maria Lvova-Belova ayaa waxaa lagu soo oogay inay galeen Dembiyo Dagaal oo ah, iyagoo carruur u dhashay dalka Ukraine si aan Sharci ahayn uga masaafuriyeen Deegaanada La-haysto ee Ukraine, iyagoo carruurtaasi u daad-gureeyey gudaha dalka Raashiya.
Si kastaba ma cadda Qaabka ay Dowladda Ruushka ugu suurto-geli doonto inay soo qabtaan Dacwad-Oogaha Guud Maxkamadda ICC, Karim Asad Ahmed Khan ee 53 jirka ah.
W.Q Ustaad Nuuradiin
