Madaxweynaha Jamhuuriyadda Federaalka Soomaaliya Xasan Sheekh Maxamuud ayaa maanta ka qeybgalaya kulan ka qabsoomaya Magaalada Washington D.C ee dalka Mareykanka, halkaas oo uu ku sugan yahay Madaxweynaha dowladda.
Kulanka uu ka qeyb galayo Madaxweyne Xasan Sheekh ayaa waxaa uu kaga warbixin doonaa arrimo kala duwan oo ku saabsan Soomaaliya gaar ahaan dhinaca ammaanka Soomaaliya.
Qoraal kooban oo uu baahiyey Telefashinka Qaranka ayaa lagu sheegay in kulanka uu ka dhici doono Machadka Istaraatiijiyadda iyo Daraasaadka Caalamka ee magaalada Washington D.C ee dalka Mareykanka.
Madaxweynaha Jamhuuriyadda Federaalka Soomaaliya Xasan Sheekh Maxamuud ayaa xalay gaaray dalka Mareykanka, isagoo ujeedkiisu yahay ka qeyb galka Shirka loo dhan yahay ee Golaha guud ee Qaramada Midoobay oo ka socda dalkaas.
Madaxweyne Xasan ayaa la kulmay Xoghayaha Difaaca Mareykanka Lloyd James Austin, waxayna ka wada hadleen xoojinta xiriirka iskaashiga labada dal ee dhinacyada amniga, xasilloonida gobolka, kor u qaadidda taageerada Maraykanka ee Soomaaliya iyo dagaalka ka dhanka ah Al-shabaab.
