Xukuumadda Somaliland ayaa shaacisay in sheekha caanka ah ee Sheekh Aadan Sunne uu ka baxsaday Somaliland islamarkana uu aaday dhanka koonfurta Soomaaliya.
Wasiirku ku-xigeenka Ammaanka ee Somaliland Cabdilaahi Xuseen Maxamed oo BBC la hadlay ayaa sheegay in wali ay wadaan baaritaanada la xiriira baxsashada sheekhani.
Wasiir ku xigeenka ayaa sheegay in Sheekhu uu dhammaan qoyskiisii soo rarartay sidoo kalena aysan ilaa iyo hadda meel ku sheegin, balse ay baadi goob ugu jiraan.
“Warka aan heyno wuxuu inoo sheegayaa in niman ay saaxibo yihiin oo koonfurta jooga oo berigii horeba lagu xaman jiray in uu afhayeen u yahay uu u tegay..wararka nasoo garaaya waxay sheegayaan in uu ku sugan yahay gobolka Jubada Dhexe†ayuu yiri Cabdillaahi Xuseen.
Sidoo kale Wasiirku ku-xigeenka Ammaanka ee Somaliland Cabdilaahi Xuseen Maxamed ayaa intaa ku daray in ay kaga shakisan yihiin in uu ku biiray dagaalamayaasha Al-Shabaab,inkastoo aysan hubin sida uu sheegay.
Sheekha ayaa horay baaritaanno ay ku sameysay Somaliland, waxaana dhowr mar xabsiga dhigay Booliska, iyadoo damaanad lagu sii daayay.
