Magaalada Baydhabo ee Xarunta Gobolka Baay ahna Caasimadda KMG ah ee Maamulka Koonfur Galbeed ayaa waxaa ka socota doorashada kuraas ka tirsan Golaha Shacabka Baarlamaanka 11-aad ee dowladda Federaalka Soomaaliya.
Dhowr Xildhibaan ayaa lagu doortay howlka ay ka socoto doorashada Golaha Shacabka ee Baydhabo, waxaana xubnaha la doortay Maanta kamid ah Maxamed Sheekh Cabdullaahi Ciirow oo ah Taliyaha qaybta 60aad ee Ciidanka Xoogga dalka.
Taliye Maxamed Ciirow  ayaa kusoo baxay kursiga Golaha Shacabka ee tirsigiisu yahay #HOP077, waxaana doorashada kula taramay Musharax Cabdinaasir Cali Xasan, isla markaana waxaa uu Maxamed Sheekh helay Codad gaaraya 83-cod.
Musharaxii la tarmayey Taliyaha Qaybta 60-aad ee Ciidanka Xoogga dalka ee Cabdinaasir Cali Xasan ayaa isna waxaa uu helay 13-cod, 1 cod ayaa halaabay, iyadoona kursigaas #HOP077 uu horey ugu fadhiyey Isgoowe Deeqow Isaaq.
Doorashada kuraas kale ayaa ka socota Magaalada Baydhabo, waxaana Maanta oo Arbaco ah lagu dooran doonaa Magaaladaas Lix Xildhibaan oo kamid noqonaya Golaha Shacabka Baarlamaanka 11-aa ee dowladda Federaalka Soomaaliya.
