Wararkii ugu dambeeyay ee laga helayo Magaalada Baladweyne ee Xarunta Gobolka Hiiraan ayaa sheegaya in khilaafkii u dhexeeyay Madaxweynaha Hirshabeelle Cali Cabdullaahi Xuseen Guudlaawe iyo ku-xigeenkiisa Yuusuf Daba-geed Is-faham laga gaaray.
Khilaafka Madaxda ugu horreeysa ee Hirshabeelle ayaa salka ku haayay doorashada kuraas ka tirsaan Golaha Shacabka ee taalla Baladweyne, waxaana khilaafka uu sababay in Maanta Guudlaawe uu go’aansaday inuu dib ugu laabto Magaalada Jowhar, balse uu ka baaqday safarkaas.
Ilo-wareedyo lagu kalsoonaan karo ayaa xaqiijiyey in Madaxweyne Guudlaawe iyo Yuusuf Daba-geed ay ku heshiiyeen in kuraasta doorashada Golaha Shacabka Baarlamaanka 11-aad ee harsan laga dhigo kuwa furan, si loogu tartamo.
Madaxweyne Cali Cabdullaahi Xuseen Guudlaawe ayaa saaka la filayey inuu dib ugu laabto Magaalada Jowhar, waxaana sababta lagu sheegay inay aheyd in xal laga gaari waayey khilaafka labada dhinac soo kala dhex-galay, balse haatan heshiis laga gaaray.
Si kastaba Magaalada Baladweyne ee Xarunta Gobolka Hiiraan ayaa waxaa maalintii shalay aheyd ka dhacay dagaal sababay khasaaro isugu jira dhimasho iyo dhaawac, kaasi oo salka ku haayay khilaafka ka dhashay kuraas ka tirsan Golaha Shacabaka…
