Guddiga hirgelinta doorashada dowlad Goboleedka Jubbaland ayaa shaaciyey Jadwalka doorashada kuraas ka tirsan Golaha Shacabka Baarlamaanka 11-aad ee dowladda Federaalka Soomaaliya oo horey loo soo saaray kuraasta.
Qoraal ay soo saareen Guddiga doorashada Jubbaland ayaa lagu sheegay in Maanta oo Arbaco ah Guddiga uu soo bandhigi doono Odayaasha dhaqanka iyo Bulshada Rayidka ee soo xulaya ergada doorashada 6 kursi oo doorashadoodu dhaceyso.
Guddiga ayaa sidoo kale sheegay in diiwaan-gelinta Musharaxiinta u tartamaya 6-da kursi ee Golaha Shacabka Baarlamaanka Federaalka ay bilaabi doonaan maalinta berri oo khamiis ah, sidoo kalena sabtida soo socota tababar la siin doono Guddiyada.
Guddiga hirgelinta doorashada dowlad Goboleedka Jubbaland ayaa ku dhawaaqay in doorashada kuraasta 6 ah ee lasoo saaray la qaban doono 23-ka bishaan, isla markaana doorashada lagu qaban doono Magaalada Kismaayo ee Xarunta Gobolka Jubbada Hoose.
Hoos ka Akhriso Warqada kasoo baxday Guddiga doorashada.
