Kadib saacado kooban oo Al-Shabaab gacanta ku hayeen Degmada Matabaan ee Gobolka Hiiraan, ayaa lagu warramayaa in hadda ay isaga baxeen.
Wararkii ugu dambeeyay ee Matabaan naga soogaaraya ayaa sheegaya in dagaalamayaasha Al-Shabaab ay dib uga laabteen Magaalada oo markii hore ay saacdo kooban ay maamulayeen.
Saldhigga Degmada ayay Qaraxyo ku bur-buriyeen sida ay muujinayaan Sawirro iyo muuqaallo laga soo duubay Saldhigga Degmada oo uu ka muuqdo Burbur aad u xooggan.
Waxaana sidoo kale haatan lagu soo warramayaa in Al-Shabaab ay fariisimo ka sameysteen degaan 5km u jiro Magaalada, kuwaasi oo saacad waliba ay macquul ay tahay in ay soo wareeraan Magaalada.
Ciidan aan badnay oo Boolis ah ayaa Magaalada dib ugu soo laabtay, kuwaasi oo lagu arkayo qaybo ka mid ah Magaalada.
Qabsashada Al-Shabaab ayaa timid kadib markii Ciidanka Hirshabeelle oo gacanta ku hayay Magaalada ay isaga baxen Magaalada, walina Maamulka Degmada Matabaan iyo Saraakiisha Ciidanka Dowladda ee ku sugan Gobolkaasi wax war ah kama soo bixin oo ay kaga hadlayaan qabsashada Al-Shabaab ee Matabeen, inkastoo hadda ay isaga baxeen si dagaal la’aan ah.
