Taliyaha Ciidanka Booliska dowladda Soomaaliya Jeneraal Cabdi Xasan Maxamed Xijaar ayaa Magaalada Kinshasa ee Caasimadda Jamhuuriyadda Dimuqraadiga Kongo uga qeyb galay Shir sannadeedka Ururka Iskaashiga Madaxda Booliiska Bariga Afrika.
Shirka Ururka Iskaashiga Madaxda Booliska ayaa waxaa looga hadlaayay isdhaafsiga Xogaha amni & iskaashiga Booliiska ee dalalka ka tirsan ururkan Iskaashiga Madaxda ee Bariga Afrika.
Jeneraal Cabdi Xasan Maxamed Xijaar ayaa shir ka jeediyay Warbixin uu uga hadlaayay xaaladda amni ee dalka Soomaaliya gaar ahaan Arrimaha amniga doorashooyinka soo socda ee dalka ka dhacaya.
Sidoo kale Taliyaha Ciidanka Booliska dowladda Federaalka Soomaaliya ayaa ka warbixiyay horumarinada Ciidanka Booliska dowladda ka gaareen tababarada kala duwan ee la siiyay.
Shir sannadeedka Ururka Iskaashiga Madaxda Booliiska Bariga Afrika ee ka qabsoomay Magaalada Kinshasa ee Caasimadda Jamhuuriyadda Dimuqraadiga Kongo ayaa waxaa ka qeyb galay Taliyeyaal Ciidan Boolis iyo Saraakiil ka socday dalalka Bariga Afrika.
